Lán til listaverkakaupa

KB banki býður almenningi upp á vaxtalaus lán til listaverkakaupa. Bankinn hefur gert samning við skrifstofu menningarmála Reykjavíkurborgar þess efnis að bankinn bjóði almenningi vaxtalaus lán næstu þrjú árin sem ætluð eru til kaupa á listaverkum frá galleríum. Er þetta gert til að styrkja listalíf í landinu. Lágmarksfjárhæð listmunaláns er 36.000 kr. og hámarksfjárhæð 600.000 kr. Kaupandi þarf eingöngu að greiða útborgun sem nemur 10% af verði listaverksins. Hámarkslánstími listmunalána er þrjú ár en hægt er að greiða lánið upp hvenær sem er á lánstímanum.