Gæti tekið daga eða vikur að telja

"Þarna eru utankjörfundaratkvæði sem verða talin síðar. Við höfum líka bráðabirgðaatkvæðaseðla fyrir fólk sem dómstólar eiga eftir að úrskurða um," sagði Stephanopoulous og bætti við. "Þessa atkvæðaseðla verður að telja í höndunum, hvern fyrir sig. Þannig getur farið svo að í ríkjum eins og Ohio og Flórída þar sem litlu munar getur tekið daga eða vikur að telja öll atkvæði." Stephanopoulous gat sér frægð í kosnignabaráttu Bills Clintons árið 1992. Þá var hann einn af aðalmönnunum í kosningabaráttunni sem skilaði Clinton í Hvíta húsið á kostnað George Bush eldri, föður George W. Bush núverandi forseta.