RÚV og Sinfó

Sæll Egill Ríkisútvarpið hefur alla tíð fengið efni frá SÍ á spottprís. Ef framleiðslukostnaður á upptökum með SÍ “í eigu” Ríkisútvarpsins væri reiknaðar á markaðsvirði, kæmi í ljós að SÍ hefur lagt til Ríkisútvarpsins mun meiri verðmæti en greitt hefur verið fyrir.  Þannig  hefur það verið í áratugi og þannig er það enn í dag. Fyrir utan peningaverðmæti er hér um að ræða menningarverðmæti sem þessar tvær stofnanir hafa í sameiningu skapað, þar sem Ríkisútvarpið er fyrst og fremst í hlutverki þiggjandans. Nú þegar framboð á íþróttaefni og sápuóperum á öldum ljósvakans er orðið umtalsvert meira en eftirspurnin, er nauðsynlegt að koma íþrótta- og sápuóperuhausum Sjónvarpsins frá og gera Sjónvarpið að fullvöxnu menningarfyrirtæki.Bestu kveðjur Arnþór Sjá pistil þar sem er fjallað um Ríkisútvarpið og Sinfóníuhljómsveitina, það er aftarlega í greininni