Ásta Ragnheiður missti 18 kíló

"Ef maður ætlar að halda heilsu þá verður maður að vera í góðu formi. Heilsu minni var farið að hraka og ég sá að ég varð að gera eitthvað í málunum," segir Ásta Ragnheiður og bætir við að maður verði að taka ábyrgð á eigin heilsu. "Ég er rosalega ánægð í dag enda hef ég ekki verið í svona góðu formi í mörg ár. Ég varð að endurnýja fataskápinn enda hef ég farið niður um mörg númer og ég get ekki sagt að það sé leiðinlegt að versla sér pæju-föt." Ásta hefur alltaf verið í leikfimi en aldrei í svona átaki. Hún reynir að mæta á hverjum degi í ræktina til að halda sér við en hún gerir sér fulla grein fyrir að hún megi ekki léttast meira. Hún hvetur allar konur sem eru of þungar til að taka á sínum málum. "Það þarf náttúrulega viljastyrk og málið er að taka sér tíma fyrir þetta. Ég fer alltaf fyrir vinnu, vakna bara klukkutíma fyrr á morgnanna og fer beint í leikfimina." Ítarlegt viðtal við Ástu Ragnheiði í Magasín sem fylgir DV í dag.