Áverkar á tískusýningu

Konur með áverka eftir árásir koma fram á tískusýningu í Lækjargötu í dag. Sýningin er á vegum Amnesty International á Íslandi og er liður í átaki gegn kynbundnu ofbeldi. Ýmsar þekktar konur koma fram á sýningunni, farðaðar eftir áverkalýsingum úr dómsmálum og verður lesið upp úr málunum á meðan. Tónlistin verður í anda málefnisins, hljóð sem þolendur heimilisofbeldis þekkja vel, sírenur, högg og brothljóð. Sýningin hefst klukkan þrjú og verður í Iðu í Lækjargötu.