Fegurðardrottning með tvö börn

"Ég var löngu búin að ákveða nafnið, hafði verið með það lengi í höfðinu," segir Guðbjörg Hermannsdóttir fyrrverandi fegurðardrottning en hún eignaðist sitt annað barn þann 16. júlí síðastliðinn. Drengurinn hefur fengið nafnið Leonard Thorstensen en fyrir á Guðbjörg dótturina Kleópötru. "Ég viðurkenni alveg að þessi nöfn eru öðruvísi enda er ég dálítið öðruvísi," segir Guðbjörg hlæjandi og bætir við að Thorstensen nafnið sé í ættinni hennar. "Þetta er hálfgert millinafn hjá honum en ég ætla sjálf að taka þetta nafn upp og mun þá verða Guðbjörg Sigríður Hermannsdóttir Thorstensen." Guðbjörg segir að Kleópatra sé ánægð með að hafa eignast lítinn bróður. "Hann er rosalega góður og Kleó er dugleg við að sækja hann á morgnanna þegar þau vakna. Þá vill hún hafa hann inni hjá sér á meðan hún horfir á barnaefnið í sjónvarpinu." Lestu ítarlegra viðtal við Guðbjörgu í tímaritinu Magasín sem fylgir DV í dag.