Betri en helmingur Chelsea-liðsins

Kamerúnski sóknarmaðurinn Samuel Eto´o hefur ekki mikla trú á því að brasilíski snillingurinn Ronaldinho gangi til liðs við Chelsea á næstunni og hlær af tilraunum enska stórliðsins til að tryggja sér kappann. "Hann er betri en helmingur liðs þeirra til samans," segir Eto´o. Ronaldinho hefur gefið það í skyn í viðtölum undanfarna daga að hann gæti vel hugsað sér að spila með Chelsea en Eto´o hefur ekki trú á því. "Hann er janf mikils virði og helmingur Chelsea-liðsins. Það er okkur í hag á vellinum," sagði Eto´o og endir á að Chelsea-liðið fái ekki alltaf allt sem það vilji. "Ég er dæmi um mann sem félagið vildi fá en fékk ekki. Ég var nálægt því að skrifa undir samning við liðið í nokkur skipti en það varð aldrei neitt úr því. Í staðinn þarf félagið að mæta mér á vellinum. Það er leikur sem það mun tapa," sagði Eto´o en Cheslea og Barcelona mætast í sextán liða úrslitum meistaradeildarinnar í fótbolta í febrúar næstkomandi.