Pantað í gríð og erg

Um þessi jól fá óvenju margir jólagjafir, sem keyptar eru í Bandaríkjunum og í Kandada og sköpuðust um tíma vandræði við að koma þeim öllum heim með flugi í tæka tíð. Sprenging varð í netverslun fyrir þessi jól, einkum í gegnum e-bay. Þá er dollarinn óvenju hagstæður þannig að íslendingar fá mikið fyrir krónur í Bandaríkjunum um þesar mundir. Allt flutningarými með Flugleiðum hefur verið yfirfullt nú fyrir jólin og við það bætist gríðar mikill farangur þeirra sem farið hafa sjálfir út í verslunarferðir og hafa innkaupin á stundum orðið svo mikil að fyrir skömmu varð að skilja hluta farangurs fólks eftir í Kanada, þar sem vélin var að verða ofhlaðin. Með átaki tókst þó að koma öllum pökkum og töskum til landsins rétt fyrir jól og allt á að ganga upp.