Zidane hættir árið 2007

Franski snillingurinn Zinedine Zidane sagði í viðtali við Cana Plus sjónvarpstöðina í dag að hann myndi leggja skóna á hilluna sumarið 2007, þegar samningur hans við Real Madrid rennur út.   "Ég er með samning til 2007 og mig langar til að efna hann. En 2007 legg ég skóna á hilluna, ég fer ekki lengra en það", sagði Zidane og bætti við að hann hefði ekki útilokað að hætta fyrr, en það væri ekki á dagskránni hjá sér sem stendur. Zidane hefur þegar lagt upp laupana með franska landsliðinu eftir frábæran landsliðsferil, sem færði honum meðal annars heims- og Evrópumeistaratitilinn auk 26 marka i 93 landsleikjum.