Kristinn ekki sigurvegari

Pétur Blöndal alþingismaður er ekki á því að Kristinn H. Gunnarsson alþingismaður hafi, með endurreisn sinni í Framsóknarflokknum, sigrað flokksforystuna að því er fram kom í máli Péturs í þættinum Íslandi í bítið í morgun. Pétur segist þekkja aðrar hliðar á málinu sem ekki hafi komið fram, sérstaklega vegna þess að hann hafi unnið með Kristni í nefndum, án þess að hann vildi fara nánar út í það. Pétri finnst undarlegt að Kristinn komi út sem píslarvottur - það sé heldur Framsóknarflokkurinn sem sé píslarvotturinn í málinu.