Juventus sló Real Madrid út

Juventus frá Ítalíu sló rétt í þessu út Real Madrid frá Spáni í Meistaradeild Evrópu. Staðan að loknum venjulegs leiktíma var 1-0 fyrir Juve, en þar sem Real sigraði í fyrri leiknum einnig 1-0 þurfti að framlengja. Framlengingin var mjög viðburðarík. Á 113. mínútu var þeim Zlatan Ibrahimovic og Ronaldo vikið af leikvelli og fjórum mínútum síðar skoraði Marcelo Zalayeta sigurmarkið. Juventus er því komið í 8-liða úrslitin ásamt PSV, Bayern Munchen, Lyon, AC Milan, Chelsea, Liverpool og svo annað hvort Inter eða Porto, en þau lið spila saman á þriðjudaginn.