Skrjáfandi gíraffi

Í Liverpool á Laugaveginum rákumst við á þennan fallega gíraffa fyrir ungbörn. "Þetta eru bangsar sem er mælt með fyrir lítil börn, því þeir eru mjúkir og þægilegir viðkomu," segir Margrét Pálsdóttir, eigandi verslunarinnar. "Það er hægt að skola úr þeim í vaski en ekki er ráðlegt að setja þá í þvottavél." Í sumum böngsunum eru baunir sem gefa öðruvísi áferð og svo skrjáfar í öðrum en bæði mismunandi áferð og hljóð örvar snertiskyn barnanna. Bangsarnir eru úr The Baby Collection frá Simba Toys og eru framleiddir í Þýskalandi. Í þessari línu eru líka hundar, bangsar og kanína og þeir eru líka til í nokkrum stærðum.