Chelsea í undanúrslitin

Chelsea og AC Milan tryggðu sér í kvöld sæti í undanúrslitum Meistaradeildar Evrópu. Chelsea tapaði 3-2 gegn Bayern Munchen í kvöld í þýskalandi en unnu samanlagt 6-5 og mæta annað hvort Juventus eða Liverpool í undanúrslitunum. Frank Lampard kom Chelsea yfir í leiknum gegn gangi leiksins eftir hálftíma leik. Claudio Pizarro jafnaði á 65. mínútu og fram fóru svakalegar mínútur þar sem Bayern pressaði ákaft og bjargaði Eiður Smári til að mynda á línu fyrir Chelsea. Tíu mínútum fyrir leikslok kom Didier Drogba Chelsea aftur yfir, og aftur þvert gegn gangi leiksins, og Chelsea komið í góða stöðu. Paolo Guerrero jafnaði þó fyrir Bayern á 90. mínútu og Mehmet Scholl kom þeim í 3-2 með marki í uppbótartíma. Nær komust leikmenn Bayner þó ekki.