Forlan langar aftur til Englands

Fyrrum framherji Manchester United, Diego Forlan frá Uruguay, segist vilja fá annan séns í ensku úrvaldsdeildinni. Forlan tókst ekki vil til hjá United en hefur brillerað á Spáni með Villarreal og skorað 18 mörk í vetur. ,,Ég hef mikið dálæti á ensku úrvaldsdeildinni, þetta voru frábær tvö og hálft ár sem ég átti þar. Auðvitað myndi ég vilja fara aftur, dyrnar eru opnar þannig að maður veit aldrei hvað gerist í framtíðinni," sagði Forlan. ,,Þegar maður spilar jafn lítið og ég gerði hjá United verður þetta alltaf erfitt. Það er mun auðveldara að fóta sig ef maður er reglulega í byrjunarliðinu. Ég reyndi að spila eins vel og ég gat þegar ég fékk tækifæri og æfði eins vel og ég gat, en allt kom fyrir ekki. Ég sá engan annan kost en að yfirgefa England, en ég myndi gjarnan vilja koma aftur seinna."