Við getum komist komist í úrslit

Rafael Benitez, framkvæmdastjóri Liverpool, telur lið sitt nú vera í bílstjórasætinu eftir 0-0 jafntefli gegn Chelsea í fyrri leik liðanna í undanúrslitum Meistaradeildar Evrópu á Stamford Bridge í kvöld. Liðin munu mætast öðru sinni á Anfield á þriðjudaginn eftir viku, með sæti í úrslitaleiknum í húfi, og Benitez telur sína menn geta náð góðum úrslitum í þeim leik. Hann sagði: ,,Ef þið hefðuð boðið mér í upphafi tímabilsins að við yrðum að vinna leik á Anfield til að komast í úrslit Meistaradeildarinnar þá hefði ég tekið því".,,Mér fannst við spila vel í kvöld og áttu jafnteflið fyllilega skilið. Við stjórnuðum leiknum á stórum stundum og neyddum þá til að beita löngum sendingum sem við áttum ekki í miklum erfiðleikum með að verjast". ...og Benitez hélt áfram: ,,Í hálfleik töluðum við um hvað miðjumenn þeirra fengju mikið af fríum hlaupum og um leið og við lokuðum á þau gekk þetta betur. Mér fannst þetta vera góð frammistaða hjá okkur í Evrópukeppni. Núna förum við aftur á Anfield og spilum fyrir framan okkar eigin stuðningsmenn sem munu hvetja okkur áfram eins og þeim einum er lagið". Liverpool mun spila án Xabi Alonso í þeim leik en Spánverjinn fékk spjald seint í leiknum í kvöld fyrir brot á Eiði Smára, og verður í banni í seinni leiknum. ,,Í fyrsta lagi held ég að hann hafi ekki snert Guðjohnsen," sagði Benitez. ,,En við höfum áður spilað án Xabi og höfum aðra möguleika á miðjunni. Við munum leysa það vandamál."