Hvolpur að Leirum leitar eiganda

Nokkur fjöldi fólks hefur haft samband við hundahótelið að Leirum vegna fjögurra mánaða gamals hvolps sem ekki hefur verið vitjað. Hvolpurinn fjörugi hefur þó ekki enn eignast nýja fjölskyldu. Hreiðar Karlsson, eigandi hundahótelsins, hefur ákveðið að framlengja dvöl hundsins í þeirri von að einhver vilji gefa honum tækifæri á lífinu. Svo virðist sem fólk setji það helst fyrir sig að bera þann kostnað sem kostar að skrá hvolpinn og gera upp dvalarkostnaðinn síðustu daga. Taki enginn hvolpinn að sér næstu vikuna er saga hans öll.