Riise tilbúinn að urra í Istanbul

John Arne Riise, leikmaður Liverpool, hefur sent AC Milan aðvörun um að leikmenn Liverpool séu tilbúnir ,,vinna eins og ljón og berjast eins og tígrar" í úrslitaleik Meistaradeildar Evrópu á miðvikudaginn kemur. Riise og félagar hans í Liverpool liðinu eru sem stendur að undirbúa sig fyrir stærsta leik ferils þeirra þegar þeir mæta ítalska liðinu í Istanbul og er Norðmaðurinn rauðhærði sigurviss og segir samherja sína tilbúna til að gera hvað sem er til að Liverpool vinni bikarinn í fimmta skipti. ,,Við munum vinna eins og ljón og berjast eins og tígrar," sagði Riise. ,,Þetta er síðasti leikur tímabilsins og sá stærsti sem við höfum nokkurntíman spilað. Þegar maður horfir yfir strákana á æfingasvæðinu og sér viðhorfið sem þeir sína þá telur maður það sé ekki möguleiki á að við töpum." ...og Riise hélt áfram: ,,Við vitum að þetta verður mjög erfitt en maður getur ekki leitt hugann hjá því að ef við vinnum þá mun það verða skráð í sögu félagsins. Það er draumur allra leikmannanna hérna. Að eiga möguleika á að skrá nafn sitt meðal allra þeirra frábæru leikmanna sem hafa spilað fyrir þetta félag er meira en ég hafði nokkurntíman dreymt um."