Baptista til Real

Brasilíski sóknarmiðjumaðurinn Julio Baptista, er genginn til liðs við Real Madrid frá Sevilla. Fyrr í dag samþykkti Sevilla 13,8 milljóna punda tilboð Real í leikmanninn. Þar með er sögunni endalusu um framtíð Baptista lokið en lengi vel leit allt útlit fyrir það að leikmaðurinn væri á leið til ensku bikarmeistaranna í Arsenal  Spennandi verður hins vegar að fylgjast með því hvert Michael Owen heldur, því hann færist nú enn aftar í goggunarröðinni hjá Real Madrid og sætir sig líklega ekki við annað tímabil af bekkjarsetu.