Tottenham á eftir Carlton Cole

Tottenham Hotspur hefur nú gert Chelsea 2 milljóna punda tilboð í sóknarmanninn unga, Carlton Cole, en hann hefur fram að þessu ekki verið sagður til sölu. Tottenham er komið í mikil vandræði með framherja eftir að Mido fékk rauða spjaldið um helgina, því þá hefur liðið aðeins tvo leikhæfa framherja í næstu leikjum. Áhugi Tottenham á Cole kemur nokkuð á óvart, því talið var víst að það væri á höttunum eftir hollenska markahróknum Dirk Kuyt hjá Feyenoord. Lundúnaliðið verður þó að bretta upp ermarnar ef það á að verða sér út um stóran framherja fyrir lokin félagaskiptagluggans í vikunni.