Real íhugar að kæra

Forystumenn Real Madríd íhuga að kæra leikinn gegn Espanyol í spænsku 1. deildinni í knattspyrnu í fyrradag. Dómari leiksins, Julian Rodriguez Santiago, flautaði skömmu áður en Espanyol skoraði eina mark leiksins. Það tók nokkra stund fyrir leikmenn Espanyol að átta sig á því að dómarinn hefði dæmt markið gilt. Fyrr í þessum mánuði ákvað FIFA, Alþjóða knattspyrnusambandið, að leikur Úsbeka og Bareina í undankeppni HM skyldi spilaður aftur eftir að dómarinn hafði gert mistök.