Hafi verið numin á brott

Lögreglan í Reykjavík rannsakar hvort átta ára gömul stúlka hafi verið numin á brott skammt frá Laugardalslauginni. Stúlkan segist hafa verið að koma úr skólasundi á leið í Lauganesskóla þegar maður á bíl stoppaði og bauð henni upp í bílinn. Hún segist engu hafa svarað og því hafi maðurinn tekið hana og þröngvað henni upp í bílinn. Þá segir stúlkan leiðina hafa legið í stórmarkað þar sem maðurinn á að hafa látið hana máta föt á meðan hann tók af henni myndir. Að þessu loku segir stúlkan manninn hafa látið sig fá nokkur hundruð krónur og keyrt hana í skólann. Móðir stúlkunnar tilkynnti lögreglu um atvikið. Farið hefur verið yfir myndir úr öryggismyndavélum verslunarinnar en ekkert grunsamlegt hefur komið í ljós. Rannsókn málsins er ekki lokið en lögrelgan kannar trúverðuleik sögunnar og vinnur eftir vísbendingum sem hún hefur.