Piltarnir þrír sæta varðhaldi

Þrír átján ára karlmenn sitja í gæsluvarðhaldi í kjölfar líkamsárásar sem framin var í samkvæmi í Garðabæ á sunnudagsmorgun. Einn þeirra situr í varðhaldi í fimm daga, hinir tveir í þrjá daga. Mennirnir voru færðir fyrir dómara á níunda tímanum á sunndagskvöld og var þinghaldi ekki lokið fyrr en um klukkan eitt um nóttina. Lögreglufulltrúi hjá Hafnar­fjarðarlögreglu segir ekkert óvenjulegt vera við að það taki sinn tíma að kveða upp úr um gæsluvarðhald. Í tilfellum sem þessum þurfi dómari að fara yfir gögn og hlýða á framburð. Hann þurfi síðan að taka afstöðu til þessa alls áður en hann taki ákvörðun. Þarna hafi verið um mál ­þriggja manna að ræða sem tekin hafi verið fyrir hvert af öðru og því sé eðlilegt að þingið hafi tekið sinn tíma. Starfsfólk á Landspítala - háskólasjúkrahúsi vildi í gær ekki tjá sig um líðan Einars Ágústs Magnússonar, fórnarlambs árásarmannanna. Einar Ágúst hlaut sprungu í höfuðkúpu ásamt sárum á höfði, handleggjum og höndum. Mennirnir sem eru í haldi lögreglu hafa áður komist í kast við lögin vegna ofbeldismála