Tekinn á 146 kílómetra hraða

Lögreglan í Keflavík stöðvaði ökumann á Grindavíkurvegi eftir að bifreið hans hafði mælst á 146 kílómetra hraða. Hámarkshraðinn er hins vegar 90 kílómetrar á klukkustund. Tveir ökumenn voru svo kærðir fyrir ölvun við akstur. Annar ökumaðurinn var stöðvaður á Reykjanesbraut þar sem aksturlag hans benti ekki til að hann hefði fullt vald á bifreið sinni. Hinn gerði sér hins vegar lítið fyrir og ók niður umferðarmerki á mótum Hafnargötu og Faxabrautar í Keflavík, það stöðvaði þó ekki för hans því þaðan hélt hann heim til sín. Þar bankaði lögreglan upp á, handtók manninn og færði í fangageymslur.