Kallar Eið Smára "Blondie"

Samuel Eto`o, sóknarmaður Barcelona og Kamerún, hefur tekið upp gælunafnið ¿Blondie¿ (Ljóska) á Eið Smára Guðjohnsen, félaga sinn í framlínu spænska stórliðsins. Eto"o greindi frá þessu í samtali við spænska vefmiðil þegar hann var spurður út í nýjustu liðsmenn félagsins, þá Eið Smára, Lilian Thuram og Gianluca Zambrotta.

¿Ég hlakka mikið til að spila við hlið hans og tel að við eigum eftir að mynda mjög hættulegt sóknarpar,¿ sagði Eto`o aukinheldur um íslenska landsliðsfyrirliðann.

Eto`o hafði heldur ekkert nema gott að segja um Thuram og Zambrotta en hrósaði þó mest þeim leikmönnum sem spiluðu fyrir aftan hann á síðustu leiktíð. ¿Ronaldinho er einfaldlega bestur en Xavi er besti miðjumaður í heimi. Sá næstbesti í heimi er Iniesta, aðrir standa þeim langt að baki. Messi er snillingur með vöðva, sá besti sem ég hef séð á þessum aldri. Með þessa leikmenn í liðinu erum við ekki langt frá því að vera óstöðvandi,¿ sagði Eto`o, greinilega handviss um að hann sé í besta liði í heimi. - vig