Erlent

Fylgi beggja fylkinga nær hnífjafnt

Samfylking hægrimanna Göran Hägglund, Kristil. demókrötum, Fredrik Reinfeldt, Moderatarna, Maud Olofsson, Miðflokknum og Lars Leijonborg, Frjálslynda flokknum, kynntu kosningastefnuskrá sína í Gustavsberg á miðvikudag.
Samfylking hægrimanna Göran Hägglund, Kristil. demókrötum, Fredrik Reinfeldt, Moderatarna, Maud Olofsson, Miðflokknum og Lars Leijonborg, Frjálslynda flokknum, kynntu kosningastefnuskrá sína í Gustavsberg á miðvikudag. MYND/ap

Í nýrri skoðanakönnun mælist fylgi við Jafnaðarmannaflokk Görans Persson forsætisráðherra og samstarfsflokka hans nú í fyrsta sinn frá því í vor meira en fylgi kosningabandalags borgaralegu flokkanna. Þingkosningar fara fram í Svíþjóð 17. september.

Í könnun Ruabs-stofnunarinnar fyrir blaðið Dagens Industri mælist fylgi vinstriflokkanna nú 49,6 prósent en borgaraflokkanna 47,9 prósent. Síðustu tvo mánuði hafa borgaraflokkarnir, með forsætis­-ráðherraefnið Fredrik Reinfeldt í broddi fylkingar, mælst með nokkurt forskot á vinstriflokkana. Hátt í þriðjungur kjósenda segist enn óákveðinn.

Borgaraflokkarnir fjórir kynntu sameiginlega kosningastefnuskrá sína í Gustavsberg, austur af Stokkhólmi í fyrradag. Þeir leggja mesta áherslu á skattalækkanir og að snúið verði af þeirri braut að hætta notkun kjarnorkunnar. Jafnaðarmenn segjast hins vegar munu nota auknar tekjur ríkissjóðs vegna hagvaxtar til að styrkja velferðarkerfið.

Erlent

Mest lesið


Fleiri fréttir

Sjá meira


×

Mest lesið