Upplýstu sex fíkniefnamál

Sex fíkniefnamál og vopnalagabrot komu upp í sameiginlegu átaki lögreglunnar í Kópavogi og Hafnarfirði í nótt. Við leit í tveimur húsum og á fólki fannst amfetamín, kókaín, hass og marijúana, en lögregla gefur ekki upp hversu mikið. Þá var lagt hald á rafstuðbyssu, hnífa og kylfur.

Ekki liggur fyrir hvort gæsluvarðhaldsúrskurðar verður krafist yfir einhverjum þeirra, sem handteknir voru í nótt. Lögreglumennirnir nutu aðstoðar manna úr sérsveit Ríkislögreglustjóra og hunda frá fíkniefnadeildinni í Reykjavík.