Hráolíuverð lækkaði

Hráolíuverð lækkaði á helstu mörkuðum í dag í kjölfar þess að samtök olíuframleiðsluríkja (OPEC) samþykktu á fundi sínum í Vínarborg í gær að halda olíuframleiðslu óbreyttri.

Verð á hráolíu lækkaði á mörkuðum í Bandaríkjunum um 22 sent og stendur nú í 59,80 dollurum á tunnu. Þá lækkaði verð á Brent Norðursjávarolíu um 1,14 dali í Lundúnum í dag og stendur olíutunnan í 60,03 dollurum.

Þá var jafnframt greint frá því í gær að olíubirgðir hafi aukist um 6,8 milljónir tunna og voru heildarolíubirgðir í Bandaríkjunum 335,1 tunna og hafa birgðirnar ekki verið meiri í landinu síðastliðin sex ár.