Keane íhugar að hætta í sumar

Miðjumaðurinn Roy Keane hefur viðurkennt að hann sé að íhuga að leggja skóna á hilluna í sumar, en hann er sem kunnugt er samningsbundinn Glasgow Celtic út næsta tímabil. Keane á við erfið mjaðmarmeiðsli að stríða og segist muni íhuga málið vandlega í sumar.

"Þegar ég skrifaði undir forðum, ákváðum við að skoða málin betur í sumar, en þeir vildu að ég skrifaði undir samning út næsta tímabil. Ég tók vel í það, en ég verð samt að skoða í hvernig ástandi skrokkurinn verður í sumar. Ég mun fara til sérfræðings í sumar og það er mikilvægt að við tökum ákvörðun um framhaldið sem er sanngjörn bæði fyrir mig og fyrir liðið," sagði Keane.