Wenger ósáttur með mark Tottenham

Arsene Wenger knattspyrnustjóri Arsenal er ósáttur með leikmenn Tottenham vegna framgöngu þeirra þegar þeir skoruðu markið sem kom Tottenham yfir í leik liðanna í dag. Þegar Tottenham skoruðu lá bakvörðuinn Emmanuel Eboue í grasinu eftir samstuð við leikmann Tottenham.

„Mér finnst skömm að þessu“ sagði Wenger við Sky Sports. „Carrick hikaði, hann sá tvo leikmenn liggja og virtist ætla að sparka boltanum útaf“. „Ef menn sáu þetta ekki úr varamannaskýlinu, eða ljúga jafnvel til um það, veldur það mér miklum vonbrigðum.“