Mannskæð sprenging í rútu í Úkraínu

Átta létu lífið og tveir særðust þegar sprenging varð í kyrrstæðri rútu í Vestur-Úkraínu í dag. Tvö börn eru meðal látinna.

Bílstjórinn stöðvaði rútuna til að huga að bilun í vélinni. Sprengingin varð þegar hann var að hella eldsneyti úr tanki í annað ílát. Með því mun hann hafa brotið gegn öllum öryggisreglum.

Talsmaður yfirvalda segir að bílstjórinn hefði átt að láta farþegar yfirgefa rútuna áður en hann tók til við að yfirfara vélina. Farþegarnir voru flestir sofandi þegar sprengingin varð.