Hlupu hálfnakin gegn nautahlaupi

Dýraverndunarsinnar hlupu fáklæddir og sumir jafnvel natkir um götur Pamplona á Spáni í dag til að mótmæla árlegu nautahlaupi sem verður þar í borg á föstudaginn. Aðstandendur mótmælanna telja að um það bil þúsund manns hafi tekið þátt í hlaupinu í dag en yfrvöld draga þá talningu i efa.

Þetta er fimmta árið í röð sem dýraverndunarsinnar grípa til þessa ráðs til að koma skoðunum sínum á framfæri. Íslensku systkinin Hanna og Tryggvi Guðmundsbörn munu hafa verið meðal hlaupagarpanna í dag.