Dagbækur Columbine morðingjanna gerðar opinbera

Yfirvöld í Bandaríkjunum hafa gert opinber gögn frá fjölskyldum drengjanna tveggja sem myrtu 12 skólafélaga sína og kennara í gagnfræðiskólanum Columbine árið 1998. Meðal þess sem var gert opinbert eru dagbókafærslur drengjanna.

Árás drengjanna í skólanum vöktu óhug um allan heim á sínum tíma og vakti upp umræður um hver hafi verið kveikjan að henni og hvort skólar og foreldrar í Bandaríkjunum hefðu brugðist en ástæða árásarinnar var meðal annars talin vera að árásarmennirnir hafi verið utangarðs í skólasamfélaginu.

Meðal þeirra gagna sem voru gerð opinber eru haturfullar dagbókarfærslur árásarmannanna, þeirra Erics Harris og Dylans Klebold sem og dagatal þar sem búið að gera uppkast að árásinni. Yfir 20 þúsund skjala og myndbanda hafa verið gerð opinber frá því árið 1999 en enn hefur ekki verið ákveðið að birta myndbönd sem drengirnir gerðu af ótta við einhverjir sjái ástæðu til að herma eftir aðferðum drengjanna.

Þrátt fyrir það þá gefa gögnin sem nú eru birt ágæta innsýn inn í hugarheim drengjanna. Á dagatalinu má sjá merkt við 20. apríl og tímasetninguna 11.10 en nákvæmlega þá hófst árás drengjanna á skólann. Og í einni dagbókarfærslu sinni segir Harris: "...einhvern tímann í apríl, munu ég og vaff hefna okkar..." og í annarri segir: ...þetta verður eins og uppþot í Los Angeles, Oklahóma sprengingin, Víetnam, tölvuleikurinn Duke and Dume allt blandað saman."

Og ef drengirnir myndu sleppa undan lögreglunni og komast úr landi þá ætluðu þeir að "...ræna heilum heilling af sprengjum og keyra flugvél á New york með okkur innanborð, skjótandi á meðan við hröpum. Bara eitthvað til að valda meiri eyðileggingu."