Tveggja ára undrabarn á sjóskíðum

Cole Marsolek er rétt tæplega tveggja ára, en er afar fær á sjóskíðum þrátt fyrir ungan aldur. Færni hans uppgötvaðist þegar fjölskylda hans var á ferð í Wisconsin í Bandaríkjunum. Foreldrar hans ákváðu að leyfa honum að prufa sjóskíðin en ætluðu ekki að halda þeim fast að honum ef honum líkaði þau ekki. Reyndin varð sú að barnið hafði mikla ánægju af íþróttinni og féll aðeins einu sinni í sjóinn á meðan hann fór í sína fyrstu ferð. Foreldrar Cole gerðu allar varúðarráðstafanir áður en honum var hleypt á skíðin og kenndu honum að fljóta í björgunarvesti og að halda niður í sér andanum. Fimm mánaða systir Cole hefur hins vegar enn ekki fengið að prufa sjóskíði.