Owen gæti misst af leiktíðinni

Glenn Roader er mjög hæfilega bjartsýnn á endurhæfingarferli framherja síns Michael Owen og segir að í versta falli gæti farið svo að hann spilaði ekki einn einasta leik á keppnistímabilinu sem hefst um helgina. Owen meiddist illa á hné á HM og er nú undir höndum lækna.

"Þetta eru langtímameiðsli og ég veit ekki hvort hann spilar yfir höfuð á þessari leiktíð. Hann er nú í umsjón bestu skurðlækna í heiminum og fær bestu endurhæfingu sem hugsast getur. Við viljum forðast að lofa því að hann snúi aftur á ákveðnum tíma, því við viljum ekki að hann snúi aftur of snemma og skapi meiri vandamál," sagði Roader.