Hafmeyjustúlka tekur fyrstu skrefin

Perúsk stúlka sem fæddist með leggina samfasta tók í gær sín fyrstu skref eftir að fætur hennar voru aðskildir í þremur flóknum skurðaðgerðum, þeirri fyrstu í júní 2005.

Milagros Cerron er tveggja og hálfs árs en þegar hún fæddist voru fætur hennar rækilega samvaxnir alla leið niður að hælum út af fæðingargalla sem kemur fyrir í einu af hverjum 70 þúsund börnum. Skurðlæknar sem aðskildu fætur hennar sögðu í gær að nú væri 98 prósentum af starfi þeirra lokið, nú væri einungis eftir lýtaaðgerðir til að laga útlit fóta stúlkunnar.