Ætlar ekki að hætta eftir tvö ár

Talsmaður enska knattspyrnumannsins David Beckham vísar orðum forseta Real Madrid á bug, en forsetinn sagði í viðtali í dag að Beckham væri búinn að ákveða að leggja skóna á hilluna eftir tvö ár.

"Þetta eru tíðindi fyrir okkur því engin ákvörðun liggur fyrir um þetta hjá Beckham og enginn hefur nokkru sinni minnst á það hvenær hann ætlar sér að hætta að spila," sagði talsmaður hins 31 árs gamla leikmanns, sem nú er í samningaviðræðum við Real Madrid vegna framlengingar á samningi sínum.