Drogba er besti framherji í heimi

Jose Mourinho hrósaði framherja sínum Didier Drogba í hástert í dag þegar hann skoraði þrennu og lagði upp eitt mark í 4-0 sigri Chelsea á Watford í ensku úrvalsdeildinni. Mourinho segir engan framherja í heiminum vera að spila betur en Drogba þessa dagana.

Drogba hefur nú skorað 14 mörk á leiktíðinni og setti þrennu í dag og lagði eitt upp fyrir félaga sinn Andriy Shevchenko. "Drogba er alltaf að bæta sig á öllum sviðum leiksins. Hann er sterkur í loftinu og verst vel og nú þegar hann er kominn í svona gott form er eina spurningin fyrir hann að halda dampi. Hann skorar grimmt í öllum keppnum og ég held að enginn framherji í heiminum sem skorar jafn mikið og spilar jafn vel," sagði Mourinho.