Tyson á leið í vændi

Fyrrum heimsmeistarinn í þungavigt, Mike Tyson, er nú sagður ætla að ráða sig í vinnu á "Folabýli" sem fyrirhugað er að reisa í grennd við Las Vegas í Nevada. Þar ætlar hin goðsagnakennda pútumamma Hedi Fleiss að ráða nokkra fola sem eru tilbúnir að gefa sig konum fyrir rétt verð og ætlar hún hnefaleikaranum fyrrverandi að vera þar í aðalhlutverki.

"Ég sagði Mike að hann yrði aðalfolinn hjá mér og ég held að það blundi ótti í hverjum einasta manni að konan hans sofi hjá Mike Tyson," sagði Fleiss, sem virðist ekki hafa neinar áhyggjur af því að Tyson sé dæmdur kynferðisafbrotamaður.

Tyson sjálfur virðist mjög hrifinn af fyrirtækinu, enda hefur hann haft úr ansi litlu að moða síðan hann hætti alvörukeppni í hringnum. "Mér er alveg sama hvað hver segir, alla karlmenn dreymir um að veita öllum konum unað - og fá borgað fyrir það," sagði tröllið.