Tapaði fyrir mót­herja sem var 28 árum yngri

Það er ekki oft sem svo mikill aldursmundur er milli mótherja í tennis en Venus Williams er 46 ára. Hún mætti Lilli Tagger í fyrsta leik opna Guangzhou-mótsins sem er aðeins 18 ára. Þetta er stærsta aldursbil milli mótherja á þessum áratug á sterkustu mótaröðinni.

Tagger átti ekki í miklum vandræðum með sigurinn á Williams en bæði settin enduðu 6-2. Slæmt gengi Williams heldur því áfram en hún hefur tapað 16 einliðaleikjum í röð.

Hún hefur fengið að keppa á mótunum vegna þess að henni er boðið að keppa á þeim en áhugamenn um tennis eru ekki vissir hvort hún eigi það skilið ef hún heldur áfram að tapa. Aðrir yngri leikmenn sem gætu verið að fá sitt fyrsta tækifæri á mótaröðinni gætu fengið plássið.

Það sást í leiknum gegn Tagger að Williams er ekki lengur nógu góður sem leikmaður til þess að vera að keppa á mótaröðinni. Þrátt fyrir það þykir henni gaman að spila og að geta gert það enn á meðan hún er 46 ára er afrek út af fyrir sig.