365 hf. ekki skráð í vísitölu Kauphallar í dag

Skipting Dagsbrúnar hf. í tvö félög, Teymi og 365 hf., sem samþykkt var á hluthafafundi félagsins sl. föstudag, veldur því að ekki er til viðskiptasaga fyrir 365 hf. í núverandi mynd. 365 hf. mun því ekki verða í hlutabréfavísitölum Kauphallarinnar í dag. Hlutir Teymis verða hins vegar skráðir í kauphöllina í dag.

Í tilkynningu frá Kauphöll Íslands segir að 365 hf. verði fært í vísitölurnar á fyrsta viðskiptadegi eftir að verðmótandi viðskipti með hlutabréf þess hafa átt sér stað.

Þá segir að hlutir Teymis hf. verði skráðir á Aðallista Kauphallarinnar í dag, mánudaginn 20. nóvember 2006. Útgefnir hlutir í Teymi hf. eru alls 2.728.200.000 að nafnverði.