Eurotunnel bjargað frá gjaldþroti

Meirihluti lánadrottna Eurotunnel, sem rekur göngin á milli Bretlands og Frakklands undir Ermarsundi, hafa samþykkt skuldabreytingu hjá félaginu sem á að forða því frá gjaldþroti og sölu eigna.

Eurotunnel, sem er í eigu Breta og Frakka, skuldar 54 lánadrottnum sínum 4,2 milljarða punda eða um 572 milljarða íslenskra króna, sem er að mestu tilkominn vegna færri farþega um göngin en áætlanir gerðu ráð fyrir. Félagið sökk á skuldafen strax við opnun ganganna árið 1994 og hefur ekki losað sig úr þeim síðan.

Þá hefur rekstrarfélagið sömuleiðis farið fram á greiðslustöðvun í Frakklandi til að forða Eurotunnel frá gjaldþroti.

Skuldabreytingin felur meðal annars í sér að nýtt félag, Groupe Eurotunnel, verður stofnað, sem hluthafar eiga 13 prósent í að lágmarki. Mun það svo gera tilboð í eftirstandandi hluti Eurotunnel.

Félagið mun taka sambankalán til langs tíma að andvirði 2,84 milljarða punda eða 386,7 milljarðar íslenskra króna, til að greiða niður hluta af lánum Eurotunnel.