Við munum vinna Werder Bremen

Leikmenn Barcelona munu mæta sigurvissir til leiks gegn Werder Bremen í viðureign liðanna í Meistaradeild Evrópu á þriðjudaginn, þrátt fyrir að hafa aðeins náð 1-1 jafntefli gegn Levante um helgina. Leikurinn er hreinn úrslitaleikur um hvort liðið fer áfram í 16-liða úrslit og nægir Bremen annað stigið í leiknum.

“Allir, leikmenn, þjálfarar og stjórnarmenn félagsins, eru vissir um að liðið verður í sínu besta formi gegn Bremen,” segir Frank Rijkaard þjálfari Barca.

Miðjumaðurinn Xavi segir að leikmenn séu með óbragð í munninum fyrir að klúðra leiknum gegn Levante en ítrekar að ekki sé hægt að breyta úrslitinum og því sé ekki annað að gera en að horfa fram á veginn. “Við erum tilbúnir að vinna á þriðjudaginn og halda áfram í leið okkar að úrslitaleiknum annað árið í röð. Við ætlum að verja þennan titil,” sagði Xavi.

Bakvörðurinn Sylvinho tók í sama strang. “Við horfum fram á veginn og ætlum okkur stóra hluti í Meistaradeildinni. Þetta er gríðarlega mikilvægur leikur en við erum mjög sigurvissir.”