Nasdaq leggur fram tilboði í LSE

Bandaríski hlutabréfamarkaðurinn Nasdaq lagt fram formlega óvinveitt yfirtökutilboð í Kauphöll Lundúna í Bretlandi, LSE. Tilboðið hljóðar upp á 2,7 milljarða punda eða ríflega 367 milljarða íslenskra króna.

Markaðurinn hefur í tvígang lagt fram jafn hátt yfirtökutilboð fyrir stjórn LSE en hún hefur ætíð fellt það á þeim forsendum að tilboðið endurspegli ekki réttmætt mat á markaðnum. Í óvinveittu yfirtökutilboði felst, að Nasdaq gerir hluthöfum LSE tilboð með beinum hætti.

Nasdaq hefur þegar yfir að ráða 28,75 prósentum hlutafjár í LSE.

Gengi hlutabréfa í LSE hefur hækkað um 110 prósent á árinu eftir að orðrómur fór af stað þess efnis að kauphallir hefðu hug á að gera yfirtökutilboð í hann.

Samkvæmt tilboði Nasdaq hafa hluthafar LSE fram til 11. janúar á næsta ári til að hugsa málið.