Rocky snýr aftur í hringinn

Sylvester Stallone snýr aftur sem boxarinn Rocky Balboa í sjöttu myndinni um kempuna. Hann varð stjarna þegar fyrsta Rocky myndin kom út árið 1976. Myndin fékk óskarinn sem besta myndin sama ár.

Stallone viðurkennir að hann hafi ekki verið ánægður með fimmtu myndina sem kom út árið 1990 og að hann hafi viljað með þessari mynd gefa persónunni annað tækifæri.

Stallone þurfti að leggja hart að sér til að komast í gott form og eyddi gríðarlegum tíma við boxæfingar og líkamsrækt.

Þess má geta að Stallone er nú að vinna við fjórðu framhaldsmyndina um hetjuna Rambó og verður sú mynd tilbúin árið 2008.