Guðni sakar Hjálmar um að ganga á bak orða sinna

Guðni Ágústsson, varaformaður Framsóknarflokksins og landbúnaðarráðherra, segir framboð Hjálmars Árnasonar í fyrsta sæti í prófkjöri Framsóknarflokksins í Suðurkjördæmi hafa komið sér algjörlega í opna skjöldu.

Hjálmar lýsti því yfir í morgun að hann sæktist eftir fyrsta sætinu líkt og Guðni sem leitt hefur listann í kjördæminu síðustu árin. Guðni sakar Hjálmar um að hafa gengið á bak orða sinna því fyrir um mánuði hafi hann lýst því yfir á kjördæmisráðsþingi á Reykjanesi að hann ætlaði að bjóða sig fram í annað sætið. Hjálmar lýsti jafnframt yfir stuðningi við Guðna og sagði mikilvægt að ráðherra og varaformaður flokksins fengi góða kosningu.

Guðni óttast ekki framboð Hjálmars enda telji hans sig hafa góðan stuðning í kjördæminu en hann leitt flokkinn í kjördæminu síðustu átta árin. Guðni vonast til að flokkurinn komi sterkur út úr prófkjörinu sem haldið verður 20. janúar næstkomandi.