Atletico Madrid er stórhuga

Samkvæmt fréttum frá Spáni ætlar Atletico Madrid að freista þess að fá Xabi Alonso frá Liverpool í janúar. Afar ólíklegt verður að teljast að Rafa Benitez, stjóri Liverpool, láti Alonso af hendi, enda Spánverjinn í lykilhlutverki á miðju liðsins.

Sakvæmt spænska blaðinu AS Diario hafa forráðamenn Atletico áform um að fá hann til liðsins í sumar, fari svo að hann fái sig ekki lausan frá Liverpool strax á nýju ári. Að sögn blaðsins er mikill hugur í forráðamönnum Atletico og er stefnan sett á að skáka Real Madrid, Barcelona og Sevilla sem bestu lið landsins. Atletico er einmitt í fjórða sæti spænsku úrvalsdeildarinnar um þessar mundir – á eftir fyrrgreindum liðum.