Terry fór í aðgerð

John Terry, fyrirliði Englandsmeistara Chelsea í ensku úrvalsdeildinni, gekk síðdegis í dag undir aðgerð á baki. Samkvæmt tilkynningu frá Chelsea segir að aðgerðin hafi gengið að óskum.

Tilkynningin frá Chelsea sagði hins vegar ekkert um hversu lengi Terry yrði frá en samkvæmt heimildum BBC í Englandi er um að ræða vikur frekar en mánuði sem það tekur Terry að jafna sig. Tíðindin þykja ýta undir þörf Jose Mourinho að kaupa nýjan varnarmann til Chelsea þegar leikmannaglugginn opnast nú í janúar.