OMX styttir biðtíma

Nordic Exchange hefur tekið í notkun þjónustuna OMX Proximity Services. Nordic Exchange er sameiginleg þjónusta OMX-kauphallanna í Helsinki, Kaupmannahöfn, Stokkhólmi, Íslandi, Ríga, Tallinn og Vilníus.

Nýja þjónustan á að lágmarka biðtíma í tengslum við sjálfvirk viðskipti sem byggja á reiknireglum. Þá er henni ætlað að mæta tilskipun Evrópusambandsins um markaði með fjármálagerninga síðar á þessu ári.

Proximity Services gerir kauphallaraðilum kleift að hafa viðskiptabúnað sinn tengdan viðskipta- og markaðsumhverfi Nordic Exchange. Í tilkynningu frá OMX segir að með því móti geti Nordic Exchange tryggt aðilum sínum háhraðatengingu fyrir markaðsupplýsingar og viðskipti þar sem biðtími er innan við eina millísekúndu. Sami biðtími muni gilda fyrir alla kauphallaraðila í samskiptum milli eigin viðskiptahugbúnaðar og viðskiptakerfa OMX.