Air Asia segir stórfréttir í vændum

Asíska lággjaldaflugfélagið Air Asia segist ætla að færa stórfréttir á föstudag. Búist er við að flugfélagið muni tilkynna um samstarf með bresku félögunum Easyjet og Virgin Group.

Að sögn talsmanns flugfélagsins mun samgöngumálaráðherra Malasíu vera viðstaddur blaðamannafund félagsins, sem boðað hefur verið til í Kuala Lumpur á föstudag.

Forsvarsmenn Virgin Group neita að tjá sig um það hvort félagið hafi átt í viðræðum við Air Asia. Forsvarsmenn Easyjet neita því hins vegar að viðræður hafi átt sér stað, að sögn breska ríkisútvarpsins.