Eto´o er ekki til sölu

Txiki Beguristain, yfirmaður knattspyrnumála hjá Barcelona, segir að ekki komi til greina að sóknarmaðurinn Samuel Eto´o verði seldur frá félaginu. Eto´o er að jafna sig af hnémeiðslum og hefur verið orðaður við AC Milan.

Milan er sagt vera á höttunum eftir markaskorara, en Börsungar hafa tekið það skýrt fram að markahrókurinn mikli verði ekki seldur. Þá herma ítalskir fjölmiðlar að Milan hafi einnig gert fyrirspurnir um varnarmanninn Juliano Belletti, en sá hefur fengið aukið hlutverk hjá Börsungum undanfarið eftir að þeir Gianluca Zambrotta og Lilian Thuram meiddust.